Marit Irene Uglum

Marit Irene Uglum vart tilsett som høgskulelektor i pedagogikk på Høgskulen på Vestlandet/HVL, campus Sogndal i 2013. ( Fakultet for lærarutdanning, kultur og idrett, og institutt pedagogikk, religion og samfunnsfag). Arbeidsområde har i hovudsak vore kopla til praktisk-pedagogisk utdanning/PPU, grunnskulelærarutdanninga 5-10, vidareutdanning for pedagogisk-psykologiske rådgjevarar og spesialpedagogikk, og 3. år barnevernpedagogikk.

Marit er utdanna som faglærar i idrett ved Norges idrettshøgskule/NIH og har master i spesialpedagogikk ved Høgskulen i Sogn og Fjordane (HiSF) /Universitetet i Oslo (UIO). I tillegg har ho lang og allsidig yrkeserfaring som faglærar i vidaregåande opplæring og grunnskulen, mlijøterapeut i barnevernteneste, og spesialpedagog i Pedagogisk-psykologisk teneteste/PPT. Forskingsområda er meistringsperspektivet, tilpassa opplæring , tverrprofesjonelt samarbeid.

Fagartikkel

Meistringsopplevingar i den vidaregåande skulen

I eit kunnskapssamfunn er utdanning ein sentral inngangsport til arbeidslivet. Fråfallsproblematikken i vidaregåande opplæring skapar politisk uro, og i seinare tid er det sett inn fleire nasjonale system- og individretta tiltak for å auke gjennomføringsprosenten. Føremålet med denne artikkelen er å sette søkelyset på nokre sentrale faktorar som kan gi elevar med åtferdsvanskar meistringsopplevingar slik at dei trivst på skulen. For å få til dette er det nødvendig at elevane si stemme vert høyrd.

Publisert: 18.11.2020 Hentet fra Spesialpedagogikk 2/2019